കൊല്‍ക്കത്ത: ഹൂഗ്ലിനദിയില്‍ ബോട്ട് ജെട്ടി തകര്‍ന്നുണ്ടായ അപകടത്തില്‍ ഏഴു മൃതദേഹങ്ങള്‍ കൂടി കണ്ടെടുത്തു. ഇതോടെ അപകടത്തില്‍ മരിച്ചവരുടെ എണ്ണം 13 ആയി.
20 സ്പീഡ് ബോട്ടുകളിലായി ദേശീയ ദുരന്ത നിവാരണ സേന(എന്‍.ഡി.ആര്‍.എഫ്) നടത്തിയ രക്ഷാപ്രവര്‍ത്തനത്തിലാണ് ഇന്നലെ ഒരു സ്ത്രീയുടേതടക്കം ഏഴുപേരുടെ കൂടി മൃതദേഹങ്ങള്‍ കണ്ടെത്താനായത്. ഹൂഗ്ലി നദിയുടെ ജഗദ്ദല്‍, ശ്യാംനഗര്‍, ചന്ദന്‍ നഗര്‍, ഗൗര്‍ഹട്ടി ഗാട്ട് ഭാഗങ്ങളില്‍നിന്നാണ് ഇന്നലെ പുലര്‍ച്ചെ മൃതശരീരങ്ങള്‍ കണ്ടെത്തിയത്. മരിച്ചവരില്‍ ഏഴുപേരെ തിരിച്ചറിഞ്ഞിട്ടുണ്ട്. ഇനിയും ആറുപേരെ കണ്ടെത്താനായിട്ടില്ല.
ബുധനാഴ്ച നോര്‍ത്ത് 24 പര്‍ഗാനാസ് ജില്ലയിലെ ശ്യാം നഗറിലേക്കുള്ള യാത്രക്കാര്‍ ബോട്ട് കാത്തിരിക്കെയാണ് ഭദ്രേശ്വറിലെ തെലേനിപാര ബോട്ടുജെട്ടി തകര്‍ന്നത്.