ചേര്‍ത്തല: നഗരസഭ ഭരണം അഴിമതിയില്‍ മുങ്ങിയെന്നാരോപിച്ച് സി.പി.എം ഏരിയ കമ്മിറ്റി ചേര്‍ത്തല മുനിസിപ്പല്‍ ഓഫീസിലേക്ക് മാര്‍ച്ചും ധര്‍ണയും സംഘടിച്ചു. എസ.്എന്‍.എം ഗവ. എച്ച്.എസ്.എസിന് കിഴക്ക് ഡി പി കവലയില്‍ നിന്നാരംഭിച്ച മാര്‍ച്ചില്‍ സ്ത്രീകളുള്‍പ്പെടെ നൂറുകണക്കിനാളുകള്‍ പങ്കെടുത്തു. തുടര്‍ന്ന് മുനിസിപ്പല്‍ ഓഫീസിന് സമീപം നടന്ന ധര്‍ണ ജില്ലാ സെക്രട്ടറി സജി ചെറിയാന്‍ ഉദ്ഘാടനം ചെയ്തു.
ജില്ലാ സെക്രട്ടേറിയറ്റംഗം കെ പ്രസാദ്, ജില്ലാ കമ്മിറ്റിയംഗങ്ങളായ എന്‍.ആര്‍ ബാബുരാജ്, എ .എസ് സാബു എന്നിവര്‍ സംസാരിച്ചു. പി .എസ് ശ്രീകുമാര്‍ അധ്യക്ഷനായി. ഏരിയ സെക്രട്ടറി കെ .രാജപ്പന്‍ നായര്‍ സ്വാഗതം പറഞ്ഞു. അഴിമതിനിറഞ്ഞ ഭരണമാണ് നഗരസഭയില്‍ നടക്കുന്നതെന്ന് ചൂണ്ടിക്കാട്ടിയാണ് സി.പി.എം സമരം സംഘടിപ്പിച്ചത്.