മാഡ്രിഡ്: ബ്രസീലിന്റെ യുവതാരം വിനീഷ്യസ് ജൂനിയര്‍ റയല്‍ മാഡ്രിഡില്‍ എത്തി. ബ്രസീലിയന്‍ ക്ലബായ ഫ്‌ലമെംഗോയോട് യാത്ര പറഞ്ഞാണ് താരം റയല്‍ മാഡ്രിഡില്‍ എത്തിയത്. മാഡ്രിഡില്‍ എത്തിയ താരം ടീമിനൊപ്പം പ്രീസീസണ്‍ പരിശീലനത്തിന് ചേര്‍ന്നു. റയല്‍ മാഡ്രിഡിന്റെ പ്രീസീസണ്‍ ടൂറിലും വിനീഷ്യസ് കൂടെയുണ്ടാകും.
ഒരു സീസണ്‍ മുന്‍പ് തന്നെ റയല്‍ മാഡ്രിഡ് വിനീഷ്യസിനെ സ്വന്തമാക്കിയിരുന്നു എങ്കിലും കഴിഞ്ഞ സീസണില്‍ ബ്രസീലില്‍ തന്നെ കളിക്കാന്‍ താരത്തെ വിടുകയായിരുന്നു. എന്നാല്‍ ഇത്തവണ 17കാരന് റയല്‍ മാഡ്രിഡില്‍ തന്നെ അവസരം നല്‍കും.
കഴിഞ്ഞ സീസണില്‍ ഫ്‌ലമെംഗോയ്ക്കായി സീനിയര്‍ അരങ്ങേറ്റം നടത്തിയ വിനീഷ്യസിന് 19 ഗോളുകള്‍ക്ക് വഴിയൊരുക്കിയിരുന്നു.