ദമാം: കിഴക്കൻ സഊദിയിലെ റാക്കയിലെ ജീവകാരുണ്യ കായിക രംഗത്ത് ഒന്നര പതിറ്റാണ്ട് കാലമായി സജീവ സാന്നിദ്ധ്യമായിരുന്ന മുഷ്‌താഖ്‌ അഹമ്മദ് കൂട്ടിലങ്ങാടിക്ക് റാക്ക ഏരിയാ കെഎംസിസി യാത്രയയപ്പ് നല്‍കി. പതിനെട്ട് വര്‍ഷമായി സഊദിയിൽ പ്രവാസ ജീവിതം നയിക്കുന്ന മുഷ്‌താഖ്‌ പതിനാറു വര്‍ഷമായി അറേബ്യന്‍ റൂട്ട്സ് എന്ന ഡക്കോര്‍ വിതരണ സ്ഥാപനത്തില്‍ ഫോര്‍ക്ക് ലിഫ്റ്റ് ഓപ്പറേറ്ററായി സേവനം ചെയ്ത് വരികയായിരുന്നു.

     റാക്ക കെ എം സി സി പ്രവര്‍ത്തക സമിതിയംഗം എന്ന നിലയില്‍ കൊവിഡ് റിലീഫ് അടക്കമുള്ള സാമൂഹ്യ ജീവകാരുണ്യ രംഗത്ത് നിറഞ്ഞു നിന്ന ഇദ്ദേഹം ദമാമിലെ പ്രമുഖ സോക്കര്‍ ക്ലബായ ഖാലിദിയ്യ എഫ് സി യുടെ വളണ്ടിയര്‍ കൂടിയായിരുന്നു. റാക്ക കെഎംസിസി യുടെ സ്നേഹോപഹാരം പ്രസിഡണ്ട് ഇക്ബാൽ ആനമങ്ങാട് കൈമാറി. അല്‍ഖോബാര്‍ സെന്‍ട്രല്‍ കമ്മിറ്റി ഭാരവാഹികളായ സിദ്ധീഖ് പാണ്ടികശാല, സിറാജ് ആലുവ, റാക്ക കെഎംസിസി ആക്ടിംഗ് ജനറല്‍ സെക്രട്ടറി അനസ് പകര, ബീരാന്‍ ചേറൂര്‍, അബ്ദുല്‍ മജീദ്‌ ചുങ്കം, ആഷിക് മണ്ണാര്‍ക്കാട് എന്നിവർ സംസാരിച്ചു. മുഷ്‌താഖ്‌ മറുപടിപ്രസംഗം നടത്തി.