കാഞ്ഞങ്ങാട്: പാണത്തൂര്‍ ദേശീയപാതയില്‍ കോട്ടച്ചേരി കുന്നുമ്മലില്‍ മരത്തിന്റെ കൊമ്പുകള്‍ റോഡിലേക്ക് ചാഞ്ഞ് വാഹനങ്ങള്‍ക്ക് ഭീഷണിയാകുന്നതായി പരാതി. ഇന്നലെ രാത്രി ഇതു വഴി സഞ്ചരിച്ച റഷാദ് ടൂര്‍സ് ആന്‍ഡ് ട്രാവല്‍സ് ബസിന്റെ ഗ്ലാസുകള്‍ മരത്തിന്റെ കൊമ്പുകളില്‍ തട്ടി തകര്‍ന്നിരുന്നു. യാത്രക്കാര്‍ പരുക്കുകള്‍ കൂടാതെ രക്ഷപ്പെട്ടു.
കഴിഞ്ഞ ദിവസം ഇതേ സ്ഥലത്ത് രണ്ട് കെ.എസ്.ആര്‍.ടി.സി ബസിന്റെ ഗ്ലാസുകളും കൊമ്പുകള്‍ തട്ടി പൊട്ടിയിരുന്നു. റോഡിലേക്കു ചാഞ്ഞുനില്‍ക്കുന്ന കൊമ്പുകള്‍ വെട്ടി മാറ്റണമെന്ന് അധികൃതരോട് പരിസരവാസികളും വാഹന ഉടമകളും ആവശ്യപ്പെട്ടു.
മരക്കൊമ്പുകള്‍ ഇലക്ട്രിക്ക് ലൈനുകളില്‍ തട്ടി വൈദ്യുതി നിലച്ചു പോകുന്നതായും പരാതിയുണ്ട്.