കോഴിക്കോട്: കേരളം ഭരിക്കുന്നത് വ്യാജ ഇടതുസര്‍ക്കാരാണെന്ന് എസ്.യു.സി.ഐ നേതാവ് എം. ഷാജര്‍ഖാന്‍. ഓള്‍ ഇന്ത്യ സേവ് എജ്യുക്കേഷന്‍ കമ്മിറ്റിയും സംസ്ഥാന ജനകീയ പ്രതിരോധ സമിതിയും സംഘടിപ്പിച്ച ജനാധിപത്യ സംരക്ഷണ കാംപയിന്‍ പരിപാടിയില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.
മഹിജയെ ആശുപത്രിയിലാക്കിയതോടെ സമരം അവസാനിച്ചുവെന്നാണ് സര്‍ക്കാര്‍ കരുതുന്നത്. എന്നാല്‍ 115-ാം ദിവസത്തിലും മഹിജയുടെ സമരം അവസാനിച്ചിട്ടില്ല. സംസ്ഥാന സര്‍ക്കാരും സ്വാശ്രയ കോളജ് ലോബിയുമായുള്ള അവിശുദ്ധ കൂട്ടുകെട്ടാണ് സമരത്തിലൂടെ പുറത്തുവന്നിരിക്കുന്നതെന്നും അദ്ദേഹം ചൂണ്ടിക്കാട്ടി. മാനാഞ്ചിറ എസ്.കെ പ്രതിമക്ക് സമീപം നടന്ന പരിപാടിയില്‍ സ്വാതന്ത്ര്യസമര സേനാനി പി. വാസു അധ്യക്ഷനായി.
ഏഷ്യന്‍ ഗ്രാന്‍പ്രി രണ്ടാംപാത അത്‌ലറ്റിക് മീറ്റ്