ജിസാൻ: പ്രവാസ ലോകത്തെ പൊതു പ്രവർത്തനം അവസാനിപ്പിച്ച് നാട്ടിലേക്ക് മടങ്ങുന്ന ഇന്ത്യൻ സോഷ്യൽ ഫോറം ജിസാൻ ബ്ലോക് കമ്മറ്റി വൈസ് പ്രസിഡന്റ് ഹബീബ് റഹ്‌മാൻ വൈലിശ്ശേരിക്ക് ജിസാൻ ബ്ലോക്ക് കമ്മറ്റി യാത്രയയപ്പ് നൽകി. ദമാമിൽ പ്രവാസം തുടങ്ങിയ ഹബീബ്  തന്ടെ പതിനാറ് വർഷം നീണ്ട പ്രവാസജീവിതം അവസാനിപ്പിച്ചാണ് നാട്ടിലേക്ക് മടങ്ങുന്നത്. പത്ത് വർഷത്തോളം റിയാദ് ഹെൽത്ത് മിനിസ്ട്രിയുടെ എന്ജിനീറിങ് ആന്റ് ഡിസൈൻ ഡിപ്പാർട്ട്‌മെൻ്റിൽ ആയിരുന്നു.ഒന്നര വർഷമായി ജിസാൻ ന്യൂ എയർപോർട്ട് പ്രോജക്റ്റിൽ ജോലിചെയ്തു വരികയായിരുന്നു.

      സോഷ്യൽ ഫോറം റിയാദ് സെൻട്രൽ കമ്മറ്റി അംഗം, റിയാദ് മലയാളം ടോസ്റ്റ്‌മാസ്റ്റേഴ്സ് ക്ലബ്ബ് പ്രസിഡൻ്റ്, ജിസാൻ പ്രവാസി കോർഡിനേഷൻ എക്സിക്യൂട്ടീവ് കമ്മറ്റി അംഗം, ചേലേമ്പ്ര കൂട്ടായ്‌മ സെക്രട്ടറി തുടങ്ങിയ ഉത്തരവാദിത്വങ്ങൾ വഹിച്ചിരുന്നു. പ്രവാസത്തിനിടയിൽ സൈക്കോളജിക്കൽ കൗണ്സലിംഗ് ഡിപ്ലോമ പൂർത്തിയാക്കിയ ഹബീബ് കോവിഡ്-19 ലോക്ഡൗൺ കാലത്ത് ആക്സസ് ഇന്ത്യ സഊദി ചാപ്റ്ററിന്റെ കീഴിൽ ടെലിഫോൺ കൗണ്സലിംഗിലൂടെ നിരവധി പേർക്ക് സാന്ത്വനം നൽകിയിട്ടുണ്ട്.

     ജിസാനിൽ നടന്ന യാത്രയയപ്പ് ചടങ്ങിൽ ഇന്ത്യൻ സോഷ്യൽ ഫോറം ജിസാൻ ബ്ലോക്ക് സെക്രട്ടറി സനോഫർ തിരുവനന്തപുരം ഉപഹാരം കൈമാറി. സോഷ്യൽ ഫോറം എക്സിക്യൂട്ടിവ് കമ്മിറ്റി അംഗങ്ങളായ മുസ്തഫ ചെറുതുരുത്തി, ഗഫൂർ മൂന്നിയൂർ, റഹീം കുന്നുംപുറം. ഇന്ത്യ ഫ്രറ്റെണിറ്റി ഫോറം ജിസാൻ കേരള ചാപ്റ്റർ സെക്രട്ടറി അൻവർഷാ, ഏരിയ സെക്രട്ടറി ജംഷീദ്എന്നിവർ  പങ്കെടുത്തു.