കാസര്‍കോട്: മെയ് ആറിനു പാലക്കാട് നടക്കുന്ന എസ്.ടി.യു 60ാം വാര്‍ഷികാഘോഷത്തിന്റെ ഭാഗമായി മെയ് ഒന്നിനു യൂനിറ്റ് തലങ്ങളില്‍ പതാക ഉയര്‍ത്തല്‍, പ്രഭാതഭേരി തുടങ്ങിയ പരിപാടികള്‍ സംഘടിപ്പിക്കും.  വാര്‍ഷിക സമ്മേളനത്തില്‍ 100 പ്രതിനിധികളെ പങ്കെടുപ്പിക്കാനും നിര്‍മാണ തൊഴിലാളി യൂനിയന്‍ (എസ്.ടി.യു) ജില്ലാ യോഗം തീരുമാനിച്ചു. പ്രസിഡന്റ് ബി.പി മുഹമ്മദ് അധ്യക്ഷനായി.
സംസ്ഥാന വൈസ് പ്രസിഡന്റ് ബി.കെ അബ്ദുസ്സമദ് ഉദ്ഘാടനം ചെയ്തു.
യോഗത്തില്‍ പി.ഐ.എ ലത്തീഫ്, എല്‍.കെ ഇബ്രാഹിം കാഞ്ഞങ്ങാട്, എം.കെ ഇബ്രാഹിം പൊവ്വല്‍, അബ്ദു റഹ്മാന്‍ കടമ്പള, സി.എ ഇബ്രാഹിം എതിര്‍ത്തോട്, ഫുളൈല്‍ തൃക്കരിപ്പൂര്‍, ശാഫി പള്ളത്തടുക്ക, ശിഹാബ് റഹ്മാനിയ നഗര്‍, മൊയ്തീന്‍ കൊല്ലമ്പാടി, ഇബ്രാഹിം മുഗു, ശിഹാബ് നാരമ്പാടി, പി.എ അബ്ദുല്‍ റഹിമാന്‍, അബൂബക്കര്‍, കെ.മുഹമ്മദ് കുഞ്ഞി ആദൂര്‍, ഇ മൊയ്തു എതിര്‍ത്തോട്, ഇബ്രാഹിം കാരമൂല സംസാരിച്ചു.