പള്ളിപ്രം: റജബ്, ശഅ്ബാന്‍ മാസങ്ങള്‍ സൃഷ്ടാവിലേക്കടുക്കുവാനുള്ള അവസരമാണെന്ന് റഹ്മത്തുല്ലാഹ് ഖാസിമി മൂത്തേടം.
എസ്.കെ.എസ്.എസ്.എഫ് മുണ്ടേരി മേഖലാ പ്രതിമാസ ഖുര്‍ആന്‍ പ്രഭാഷണം പള്ളിപ്രത്ത് വച്ച് നിര്‍വഹിക്കുകയായിരുന്നു അദ്ദേഹം. റമദാന്‍ മാസത്തേക്ക് ഒരുങ്ങാന്‍ മാനസികമായ മുന്നൊരുക്കങ്ങള്‍ നടത്തേണ്ട സന്ദര്‍ഭമാണിതെന്നും അദ്ദേഹം ഓര്‍മിപ്പിച്ചു. ബഷീര്‍ അസ്അദി നമ്പ്രം ഉദ്ഘാടനം ചെയ്തു.
ഇബ്രാഹിം മൗലവി മടക്കിമല അധ്യക്ഷനായി. എന്‍.ടി കമാല്‍, ഇസ്മാഈല്‍ ഹാജി, ഖാലിദ് ഹാജി, അബ്ദുല്ല മാണിയൂര്‍, മുശ്താഖ് പള്ളിപ്രം, വി.എം ഖാലിദ്, ഷാഫി ഫൈസി റബ്ബാനി, ശമീര്‍ പള്ളിപ്രം, റാഫി അസ്അദി, മുനീര്‍ പള്ളിപ്രം സംബന്ധിച്ചു.