കാളികാവ്: മലയോരത്ത് കാറ്റിലും മഴയിലും കനത്ത നാശ നഷ്ടം. ചോക്കാട്ട് വീടിനു മുകളില്‍ വന്‍ മരം കടപുഴകി വീണു. ചോക്കാട്, കാളികാവ്, കരുവാരക്കുണ്ട് പഞ്ചായത്തുകളില്‍ ഇന്നലെ വൈകിട്ട് നാലോടെയാണ് ശക്തമായ മഴയും കാറ്റും അടിച്ചുവീശിയത്. ചോക്കാടിലെ ബംഗാളത്ത് അഹമ്മദ് കുട്ടിയുടെ വീടിനു മുകളിലാണ് വന്‍ തേക്ക് മരം കടപുഴകി വീണത്. വീടിന്റെ മേല്‍ക്കൂര പൂര്‍ണമായും തകര്‍ന്നിട്ടുണ്ട്. വീടിന്റെ ഒരു ഭാഗം ചുമരും തകര്‍ന്നിട്ടുണ്ട്. സംഭവ സമയം വീട്ടിലുണ്ടായിരുന്ന അഹമ്മദ് കുട്ടി നിസാര പരുക്കുകളേടെ രക്ഷപ്പെട്ടു.
           സംഭവസ്ഥലം ചോക്കാട് അധികൃതര്‍, ബ്ലോക്ക് പഞ്ചായത്തംഗം പൈനാട്ടില്‍ അഷ്‌റഫ് തുടങ്ങിയവര്‍ സന്ദര്‍ശിച്ചു.  കാളികാവ് അരിമണലില്‍ മരം വീണ് വൈദ്യുതി കാലുകള്‍ തകര്‍ന്നു.
മേഖലയില്‍ ശക്തമായ കാറ്റില്‍ കൃഷി നാശവുമുണ്ടായി.