കോഴിക്കോട്: സംസ്ഥാന കിക്ക് ബോക്‌സിങ ്ചാംപ്യന്‍ഷിപ്പിന് കോഴിക്കോട് ഇന്‍ഡോര്‍ സ്‌റ്റേഡിയത്തില്‍ തുടക്കമായി. 12 ജില്ലകളില്‍ നിന്നായി കിഡ്ഡീസ്, സബ്ജൂനിയര്‍, ജൂനിയര്‍, സീനിയര്‍ വിഭാഗങ്ങളിലായി 380 ഓളം ആണ്‍കുട്ടികളും പെണ്‍കുട്ടികളും മാറ്റുരക്കും. മ്യൂസിക്കല്‍ ഫോം, ലൈറ്റ് കോണ്‍ടാക്ട്, ഫുള്‍ കോണ്‍ടാക്ട്, കെ വണ്‍, പ്രൊ. ഫൈറ്റ് ഇനങ്ങളിലാണ് മത്സരം. സ്വര്‍ണ മെഡല്‍ ജേതാക്കളെ ഓഗസ്റ്റില്‍ അസമില്‍ വച്ച് നടക്കുന്ന ദേശീയ ചാംപ്യന്‍ഷിപ്പില്‍ പങ്കെടുപ്പിക്കുമെന്ന് ഓര്‍ഗനൈസിങ് പ്രസിഡന്റ് ഗോപകുമാര്‍ പറഞ്ഞു. ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് മത്തായി ചാക്കോ ഉദ്ഘാടനം ചെയ്തു. കെ.എ.കെ സംസ്ഥാന പ്രസിഡന്റ് ഗോപകുമാര്‍ അധ്യക്ഷനായി. ചാംപ്യന്‍ഷിപ്പ് ഇന്ന് സമാപിക്കും.