തിരുവനന്തപുരം: പൂജപ്പുര സെന്‍ട്രല്‍ ജയിലില്‍ 59 പേര്‍ക്ക് കൊവിഡ് സ്ഥിരീകരിച്ചു. 99 പേരില്‍ നടത്തിയ ആന്റിജന്‍ പരിശോധനയിലാണ് 59 പേരുടെ ഫലം പോസിറ്റീവായത്.ജയിലിലെ ഓഡിറ്റോറിയം നിരീക്ഷണ കേന്ദ്രമാക്കി.ജയിലിലെ മുഴുവന്‍ തടവുകാരെയും പരിശോധനയ്ക്ക് വിധേയമാക്കും. ആദ്യമായാണ് പൂജപ്പുര ജയിലില്‍ കൊവിഡ് സ്ഥിരീകരിക്കുന്നത്.

കഴിഞ്ഞ ദിവസം വിചാരണ നേരിട്ടുകൊണ്ടിരുന്ന ആള്‍ക്ക് രോഗബാധ സ്ഥിരീകരിച്ചിരുന്നു. ഇയാള്‍ക്ക് രോഗം ബാധിച്ചത് എങ്ങനെയെന്ന് വ്യക്തമല്ല.ഇതിനുപിന്നാലെയാണ് തടവുകാരില്‍ വ്യാപകമായി ആന്റിജന്‍ പരിശോധന നടത്തിയത്.