ന്യൂഡല്‍ഹി: പെരുമാറ്റച്ചട്ടലംഘനം നടത്തിയതിന് കേന്ദ്രമന്ത്രിയും ബി.ജെ.പി നേതാവുമായ മുഖ്താര്‍ അബ്ബാസ് നഖ്‌വിക്ക് തെരഞ്ഞെടുപ്പ് കമ്മിഷന്റെ താക്കീത്. ഇന്ത്യന്‍ സൈന്യത്തെ 'മോദി സേന'എന്നു വിശേഷിപ്പിച്ചതിനാണ് നഖ്‌വിയെ കമ്മിഷന്‍ താക്കീത് ചെയ്തത്.
രാഷ്ട്രീയ ലക്ഷ്യങ്ങള്‍ വച്ച് സൈന്യത്തെ തെരഞ്ഞെടുപ്പ് പ്രചാരണത്തിന് ഉപയോഗിക്കരുതെന്ന് മന്ത്രിയോട് ആവശ്യപ്പെട്ട കമ്മിഷന്‍, ഭാവിയില്‍ ഇത്തരം കാര്യങ്ങള്‍ സംസാരിക്കുമ്പോള്‍ ജാഗ്രത വേണമെന്നും കമ്മിഷന്‍ ആവശ്യപ്പെട്ടു.