പൊന്നാനി: പൊന്നാനി പുഴമ്പ്രം അണ്ടിത്തോട് ഭഗവതി ക്ഷേത്ര മുറ്റത്ത് ചെണ്ടമേളം തീര്‍ത്ത് കുരുന്നുകള്‍. പുഴമ്പ്രം ദേശത്തെ 23 കുരുന്നു കലാകാരന്‍മാര്‍ ചെങ്ങ മേളത്തില്‍ വിസ്മയം തീര്‍ത്ത് കൊട്ടിക്കയറി.
മാസങ്ങളോളം നടത്തിയ പരിശീലനത്തിലൊടുവിലാണ് ഭഗവതിക്ക് കാണിക്കയായി അരങ്ങേറ്റം നടന്നത്. കടവനാട് ശിവന്റെ ശിക്ഷണത്തിലാണ് 23 കുരുന്നു കലാകാരന്‍മാര്‍ ചെണ്ടവാദ്യം അഭ്യസിച്ചത്. ചടങ്ങില്‍ ലിംക ബുക് ഓഫ് റെക്കോര്‍ഡ് ഉടമ ഗിരീഷ് ആലങ്കോട് മുഖ്യാതിഥിയായിരുന്നു. ചെണ്ടമേള വിദഗ്ധന്‍ കടവനാട് ഭരതനെ ആദരിച്ചു.