ഇരിട്ടി: പായത്ത് കൊവിഡ് രോഗിയുമായി സമ്പര്‍ക്കമുണ്ടായെന്ന സംശയത്തെ തുടര്‍ന്ന് ആരോഗ്യ വകുപ്പിന്റെ നിര്‍ദ്ദേശപ്രകാരം വീട്ടില്‍ നിരീക്ഷണത്തില്‍ കഴിയുകയായിരുന്ന അര്‍ബുദ രോഗത്തിന് ചികിത്സയിലായിരുന്നയാള്‍ മരിച്ചു. പായം കോണ്ടമ്പ്രയിലെ കാപ്പാടന്‍ ശശിധരനാണ് (48) മരിച്ചത്.

ഇരിട്ടി താലൂക്കാശുപത്രിയില്‍ ചികില്‍സക്കിടെ വാര്‍ഡില്‍ ഉണ്ടായിരുന്ന പടിയൂര്‍ സ്വദേശിയായ രോഗിക്ക് കൊവിഡ് സ്ഥിരീകരിച്ചതോടെയാണ് ഇയാളെയും ബന്ധുക്കളെയും ഡിസ്ചാര്‍ജ് ചെയ്ത് വീട്ടില്‍നിരീക്ഷണത്തില്‍ കഴിയാന്‍ നിര്‍ദ്ദേശിച്ചത്

ഇതേ തുടര്‍ന്ന് വിട്ടില്‍ നിരീക്ഷണത്തില്‍ കഴിയവേയാണ്. അര്‍ബുദ ബാധിതനായ ശശിധരനെ രോഗം മൂര്‍ഛിച്ചതിനെ തുടര്‍ന്ന് ആംബുലന്‍സില്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല

ആറളം പന്നിമൂലയിലെപരേതരായ വെന്നപ്പാലന്‍ഗോവിന്ദന്‍ നമ്പ്യാര്‍ കാപ്പാടന്‍ലക്ഷ്മിയമ്മ ദമ്പതികളുടെ മകനാണ് .ഭാര്യ: നിഷ. മക്കള്‍: ശീതള്‍, നിഷാല്‍ (ഇരുവരും വിദ്യാര്‍ത്ഥികള്‍.സഹോദരങ്ങള്‍: ചന്ദ്രന്‍, പത്മിനി, ചന്ദ്രിക.

അതിനിടെ ജില്ലാ ആശുപത്രി അധികൃതര്‍ക്കെതിരെ പരാതിയുമായി ബന്ധുക്കള്‍ രംഗത്തെത്തി. മൃതദേഹം മോര്‍ച്ചറിയില്‍ സൂക്ഷിക്കാന്‍ ആശുപത്രി അധകൃതര്‍ തയ്യാറായില്ലെന്ന് ബന്ധുക്കള്‍ ആരോപിക്കുന്നത്.