പറവൂര്‍: ചെട്ടിക്കാട് വി: അന്തോണീസിന്റെ ദേവാലയത്തില്‍ ഊട്ടു തിരുനാളിന് തുടക്കം കുറിച്ചുകൊണ്ടുള്ള കൊടിയേറ്റം നാളെ നടക്കും.
രാവിലെ 10 ന് കോട്ടപ്പുറം രൂപത മെത്രാന്‍ ഡോ: ജോസഫ് കാരിക്കാശേരി പിതാവിന് ഇടവക ജനങ്ങള്‍ സ്വീകരണം നല്‍കും.
തുടര്‍ന്ന് 10.15 ന് കാരിക്കാശേരി പിതാവ് കൊടിയേറ്റിന് മുഖ്യ കാര്‍മികത്വം വഹിക്കും. കൊടിയേറ്റിനോടനുബന്ധിച്ച് ക്രൈസ്തവ പാരമ്പര്യ കലാരൂപങ്ങളായ മാര്‍ഗംകളിയും ചവിട്ടു നാടകവും അരങ്ങേറും.
അഭിവന്ദ്യ പിതാവിന്റെ കാര്‍മികത്വത്തില്‍ നടക്കുന്ന പൊന്തിഫിക്കല്‍ ദിവ്യ ബലിയില്‍ ഫാ: ആന്റണി ചില്ലിട്ടശേരി വചനപ്രഘോഷണം നടത്തും.
രാവിലെ 6.15 മുതല്‍ വൈകിട്ട് 6.30 വരെ തുടര്‍ച്ചയായി ദിവ്യബലി,നൊവേന,ആരാധന,രോഗശാന്തി പ്രാര്‍ഥന എന്നിവയുണ്ടാകും.