കൊച്ചി: അര കിലോ കഞ്ചാവുമായി ഒരാള്‍ പിടിയില്‍. കത്രക്കടവ്, തുണ്ടിപ്പറമ്പില്‍ അഭിലാഷ്(21)  ആണ് കത്രക്കടവ്, എടശ്ശേരി ബാറിനു സമീപത്തു നിന്നും പൊലിസ് പിടിയിലായത്.
നഗരത്തിന്റെ വിവിധ ഭാഗങ്ങളില്‍ ഫേസ്ബുക്ക്,വാട്ട്‌സ്ആപ്പ് തുടങ്ങിയ സാമൂഹ്യമാധ്യമങ്ങളെ ഉപയോഗിച്ച് കച്ചവടം നടത്തിയിരുന്ന ഇയാള്‍ കുറച്ച് ദിവസങ്ങളായി ഷാഡോ പൊലിസിന്റെ രഹസ്യ നിരീക്ഷണത്തിലായിരുന്നു. എറണാകുളം ടൗണ്‍ നോര്‍ത്ത് സബ്ഇന്‍സ്‌പെക്ടര്‍ വിപിന്‍ദാസ് പ്രതിയെ അറസ്റ്റ് ചെയ്തു.
ഷാഡോ അഡീഷണല്‍ സബ്ഇന്‍സ്‌പെക്ടര്‍ നിത്യാനന്ത പൈ, സിവില്‍ പൊലിസ് ഓഫിസര്‍ മാരായ അഫ്‌സല്‍, സാനു, സാനുമോന്‍, വിശാല്‍ എന്നിവര്‍ റെയ്ഡില്‍  പങ്കെടുത്തു.