മുട്ടില്‍: വയനാട് മുസ്‌ലിം ഓര്‍ഫനേജ് 13ാമത് സ്ത്രീധന രഹിത വിവാഹസംഗമം ഇന്ന് മുട്ടില്‍ യതീംഖാന അങ്കണത്തില്‍ നടക്കും. ഉച്ചയ്ക്ക് 12ന് നടക്കുന്ന മുസ്‌ലിം വധൂവരന്മാരുടെ നിക്കാഹിന് പാണക്കാട് ബഷീറലി ശിഹാബ് തങ്ങള്‍ കാര്‍മികത്വം വഹിക്കും. രാവിലെ ഒന്‍പതിന് ശേഷമുള്ള ശുഭമുഹൂര്‍ത്തത്തില്‍ ഹൈന്ദവ സഹോദരിമാരുടെ വിവാഹം ഡബ്ല്യു.എം.ഒ ജിദ്ദ ഹോസ്റ്റലില്‍ തയാറാക്കിയ കതിര്‍മണ്ഡപത്തില്‍ നടക്കും.
വര്‍ക്കല ഗുരുകുലം ആശ്രമത്തിലെ ഡോ. തന്മയ സ്വാമി മുഖ്യാതിഥിയായി പങ്കെടുക്കും. ചടങ്ങില്‍ വാവാട് കുഞ്ഞിക്കോയ മുസ്‌ലിയാര്‍, കെ.ടി ഹംസ മുസ്‌ലിയാര്‍, വി. മൂസക്കോയ മുസ് ലിയാര്‍, പി.കെ കുഞ്ഞാലിക്കുട്ടി എം.പി, എം.ഐ ഷാനവാസ് എം.പി, എം.എല്‍.എമാരായ സി.കെ ശശീന്ദ്രന്‍, ഐ.സി ബാലകൃഷ്ണന്‍, ഒ.ആര്‍ കേളു, സി. മമ്മൂട്ടി, കെ.എം ഷാജി എന്നിവരും സാമൂഹിക സാംസ്‌കാരിക നായകന്മാരും സംബന്ധിക്കും. മലപ്പുറം, കോഴിക്കോട്, കണ്ണൂര്‍, വയനാട് ജില്ലകളില്‍ നിന്നുള്ള പ്രതിനിധികളും വധൂവരന്മാരുടെ ബന്ധു മിത്രാദികളും സംബന്ധിക്കും. 2005ലാണ് ഡബ്ല്യു.എം.ഒ സ്ത്രീധന രഹിത സമൂഹ വിവാഹത്തിന് തുടക്കം കുറിച്ചത്. 12 വര്‍ഷങ്ങളിലായി 1628 യുവതീ യുവാക്കളാണ് ഡബ്ല്യു.എം.ഒയുടെ കീഴില്‍ ദാമ്പത്യ ജീവിതം ആരംഭിച്ചത്. സ്ത്രീധനമോ സാമ്പത്തിക ഉപാധികളോ ഇല്ലാത്ത വിവാഹ അപേക്ഷകരെയാണ് ഡബ്ല്യു.എം.ഒ സ്ത്രീധന രഹിത വിവാഹസംഗമത്തില്‍ ഉള്‍പ്പെടുത്തിയിട്ടുള്ളത്. വധുവിന് അഞ്ചുപവനും വരന് ഒരു പവനും സമ്മാനമായി നല്‍കും. വിവാഹ വസ്ത്രവും സദ്യയും പ്രൗഢഗംഭീരമായ ചടങ്ങും ഉദാരമതികള്‍ സ്‌പോണ്‍സര്‍ ചെയ്യും. വയനാടിന്റെ മത സാമുദായിക സ്‌നേഹ സൗഹാര്‍ദ്ദത്തിന്റെ വലിയ വേദിയാണ് ഡബ്ല്യു.എം.ഒ സ്ത്രീധന രഹിത വിവാഹസംഗമം. വ്യത്യസ്ത മത നേതാക്കളും പ്രസ്ഥാന നേതാക്കളും അനുയായികളും ഇവിടെ ഒരേ പന്തലില്‍ സംഗമിക്കും. വനിതാ സംഗമം ജില്ലാ പഞ്ചായത്ത് പ്രസിഡന്റ് ടി. ഉഷാകുമാരി ഉദ്ഘാടനം ചെയ്യും.
ഇത്തവണ 33 മുസ്‌ലിം യുവതികളും ആറ് സഹോദരസമുദയാത്തിലെ യുവതികളുമടക്കം39 യുവതികളാണ് യതീംഖാനയുടെ തണലില്‍ സുമംഗലികളാവുന്നത്.
ആഘോഷമായി എരുമാട് മഹല്ലിന്റെ 'മംഗല്യ-17'
എരുമാട്: എരുമാട് ഹയാത്തുല്‍ ഇസ്‌ലാം മഹല്ല് കമ്മിറ്റിയുടെ രണ്ടാമത് വിവാഹ സംഗമം 'മംഗല്യ17' നാടിന്റെ ആഘോഷമായി. മഹല്ല് കമ്മിറ്റിയുടെ രണ്ടാമത് വിവാഹ സംഗമത്തിലൂടെ ഇത്തവണ 12 യുവതികളാണ് സുമംഗലികളായത്. പാണക്കാട് റശീദലി ശിഹാബ് തങ്ങള്‍ ഉദ്ഘാടനം ചെയ്തു. മഹല്ല് പ്രസിഡന്റ് ജമാല്‍ മാളിയേക്കല്‍ അധ്യക്ഷനായി. കോഴിക്കോട് ഖാസി പാണക്കാട് നാസര്‍ ഹയ്യ് ശിഹാബ് തങ്ങള്‍, മുബശിറലി ശിഹാബ് തങ്ങള്‍, ഇമ്പിച്ചിക്കോയ തങ്ങള്‍, അലി അക്ബര്‍ തങ്ങള്‍ എടരിക്കോട്, എ.കെ.എസ് തങ്ങള്‍ പാടന്തറ എന്നിവര്‍ നികാഹിന് കാര്‍മികത്വം വഹിച്ചു. മഹല്ല് ഖത്തീബ് റാശിദ് ഗസ്സാലി കൂളിവയല്‍ മംഗല്യ-17 സന്ദേശ പ്രഭാഷണവും നികാഹ് ഖുതുബയും നിര്‍വഹിച്ചു. കെ.പി മുഹമ്മദ് ഹാജി, ഫാ. ഷിബു കുറ്റിപറിച്ചേല്‍, സ്വാമി ആനന്തജോതി ജ്ഞാനതപസ്സി, വി.കെ നാസര്‍ ഹാജി, ഫ. ജോണി കല്ലുപുര സംസാരിച്ചു. അംജദ് ഫൈസി ആമുഖഭാഷണം നടത്തി.
സെക്രട്ടറി എന്‍.ആര്‍ അബ്ദുല്‍ മജീദ് ഹാജി സ്വാഗതവും പി.എം ഉമര്‍ നന്ദിയും പറഞ്ഞു. മഹല്ലിലെ 500 കുടുംബങ്ങളും ഒരുപോലെ പങ്കാളിത്തം വഹിക്കുന്ന സംഗമം ഏവര്‍ക്കും മാതൃകയാണ്.
ജലസംരക്ഷണത്തിനായി തയാറാക്കിയ