മലപ്പുറം: മലപ്പുറം ജില്ലാ കലക്ടര്‍ കെ.ഗോപാലകൃഷ്ണന് കൊവിഡ് സ്ഥിരീകരിച്ചു. അസിസ്റ്റന്റ് കലക്ടര്‍, സബ്കലക്ടര്‍ എന്നിവരുള്‍പ്പടെ
22 ജീവനക്കാര്‍ക്കാണ് കൊവിഡ് സ്ഥിരീകരിച്ചു.

കരിപ്പൂര്‍ വിമാനത്താവളത്തിലെ അപകടത്തില്‍ രക്ഷാപ്രവര്‍ത്തനത്തിലേര്‍പ്പെട്ടതിനെ തുടര്‍ന്ന് കലക്ടര്‍ ഉള്‍പ്പടെയുള്ള ജീവനക്കാര്‍ നിരീക്ഷണത്തില്‍ പ്രവേശിച്ചിരുന്നു.ആന്റിജന്‍ പരിശോധനയിലാണ്‌ കൊവിഡ് സ്ഥിരീകരിച്ചത്. അതേ സമയം കലക്ടറും മറ്റു ജീവനക്കാരുമായുള്ള സമ്പര്‍ക്ക പട്ടികയില്‍ മുഖ്യമന്ത്രി പിണറായി വിജയനും ഉള്‍പ്പെടുന്നു.

മലപ്പുറം ജില്ലാ പൊലീസ് മേധാവി യു.അബ്ദുള്‍ കരീമിന് ഇന്നലെ കൊവിഡ് പൊസീറ്റീവായിരുന്നു.ഗണ്‍മാന് കൊവിഡ് സ്ഥിരീകരിച്ചതിനെ തുട!ര്‍ന്നാണ് അബുദള്‍ കരീമിനെ കൊവിഡ് പരിശോധനയ്ക്ക് വിധേയനാക്കിയത്.