റിയാദ്: ഉംറ യാത്രയില്‍ മലയാളിക്ക് നഷ്ടപ്പെട്ട ബാഗും പണവും രേഖകളും സഊദിയിലെ പാക് പൗരന്മാര്‍ തിരിച്ചുനല്‍കി. സ്വകാര്യ ഉംറ ഗ്രൂപ്പിന്റെ നേതൃത്വം വഹിച്ച തിരുവനന്തപുരം സ്വദേശിയായ റിട്ട. അധ്യാപകനാണ് നഷ്ടപ്പെട്ട ബാഗും അതില്‍ സൂക്ഷിച്ച 56,000 രൂപയും 5,600 സഊദി റിയാലും തിരിച്ചുകിട്ടിയത്.
ആക്രിക്കടയില്‍ നിന്ന് ബാഗ് വാങ്ങിയ പാകിസ്താനികള്‍ ബാഗിലെ നമ്പര്‍ കïു അധ്യാപകനെ ഫോണില്‍ വിളിച്ചറിയിക്കുകയായിരുന്നു. ആധാര്‍ കാര്‍ഡും, രï് ചെക്കു ബുക്കുകളും അടങ്ങിയ ഹാന്റ് ബാഗും രണ്ടïു ലഗേജുകളും ശ്രീലങ്കന്‍ എയര്‍ലൈന്‍സ് വിമാനത്തില്‍ നാട്ടിലേക്കു പോകാനെത്തിയപ്പോള്‍ വിമാനത്താവളത്തില്‍ വച്ച് നഷ്ടപ്പെടുകയായിരുന്നു.
എയര്‍ലൈന്‍സ് അധികൃതര്‍ക്ക് പരാതി നല്‍കിയെങ്കിലും ഫലമൊന്നുമില്ലാതെ വിഷമിച്ചിരിക്കുമ്പോഴാണ് സഊദിയില്‍ നിന്ന് ജിദ്ദയിലെ കമ്പനിയില്‍ ജോലി ചെയ്യുന്ന റാവല്‍പിണ്ടïി സ്വദേശികളായ ഖുര്‍ഷിദ് അക്ബര്‍, ഹാഫിസ് ഇമ്രാന്‍ ജാവീദ് എന്നിവരുടെ ഫോണ്‍ കോള്‍ ലഭിച്ചത്. വിമാനത്താവളത്തില്‍ നിന്നുള്ള ബാഗേജുകളും മറ്റും എത്തുന്ന സെക്കന്റ് ഹാന്റ് സാധനങ്ങള്‍ വില്‍ക്കുന്ന സമീപ പ്രദേശത്തെ സൂഖില്‍ നിന്നുമാണ് പാകിസ്താനികള്‍ക്ക് ഹാന്റ് ബാഗേജ് ലഭിച്ചത്. കാഴ്ചയില്‍ ഇഷ്ടം തോന്നിയ ബാഗ് 20 റിയാല്‍ നല്‍കിയാണ് സൂഖില്‍ നിന്നു വാങ്ങിയത്. താമസസ്ഥലത്തെത്തി തുറന്നു നോക്കുമ്പോഴാണ് ബാഗിലെ രഹസ്യ അറയില്‍ ഇത്രയും തുകയും രേഖകളും കïണ്ടത്. അതോടൊപ്പം അധ്യാപകന്റെ ബിസിനസ് കാര്‍ഡും ഉണ്ടായിരുന്നു. അതില്‍നിന്നു ലഭിച്ച നമ്പര്‍ ഉപയോഗിച്ചാണ് വിവരം ഉടമസ്ഥനെ അറിയിച്ചത്.