തിരുവനന്തപുരം: പൂജപ്പുര സെന്‍ട്രല്‍ ജയിലില്‍ 114 പേര്‍ക്കുകൂടി കൊവിഡ് സ്ഥിരീകരിച്ചു. ഇതോടെ ജയിലിലെ കൊവിഡ് ബാധിച്ചവരുടെ എണ്ണം 477 ആയി.

ജയിലില്‍ ഇന്ന് 363 പേരിലാണ് പരിശോധന നടത്തിയത്. പരിശോധിച്ചവരില്‍ പകുതിയോളം പേര്‍ക്കാണ് രോഗം സ്ഥിരീകരിച്ചിരിക്കുന്നത്.

തടവുപുള്ളിയായ മണികണ്ഠന്‍ കഴിഞ്ഞ ദിവസം മരിച്ചിരുന്നു. ഇതിനു പിന്നാലെയാണ് തടവുകാരിലും ജയില്‍ ജീവനക്കാരിലും പരിശോധന നടത്തിയത്.