ജിദ്ദ: സഊദിയിലെ വലിയ തിരക്കുള്ള മൂന്ന് എയര്‍പോര്‍ട്ടുകള്‍ വന്‍ വരുമാനം പ്രതീക്ഷിച്ച് സ്വകാര്യവത്ക്കരിക്കാന്‍ ഒരുങ്ങി സര്‍ക്കാര്‍. അല്‍ഖസീം, ഹായില്‍, തായിഫ് വിമാനത്താവളങ്ങളാണ് വൈകാതെ സ്വകാര്യവത്ക്കരിക്കുമെന്ന് ഗതാഗത മന്ത്രിയും ജനറല്‍ അതോറിറ്റി ഓഫ് സിവില്‍ ഏവിയേഷന്‍ പ്രസിഡന്റുമായ സുലൈമാന്‍ അല്‍ഹംദാന്‍ അറിയിച്ചു. ഇതു സംബന്ധിച്ചുള്ള ഉത്തരവ് മന്ത്രിസഭാ അംഗീകരിച്ചതായും അദ്ദേഹം വെളിപ്പെടുത്തി. സഊദിയില്‍ ആദ്യമായി സ്വകാര്യ വത്ക്കരിച്ചത് മദീന വിമാനത്താവളമായിരുന്നു.

2020 അവസാനത്തോടെ രാജ്യത്തെ മുഴുവന്‍ വിമാനത്താളങ്ങളും പുതിയവയും നവീകരിച്ചവയുമാകും. വലിയ വിമാനത്താവളങ്ങള്‍ക്ക് പുറമെ ചെറിയ വിമാനത്താവളങ്ങളും നിവീകരിക്കുന്നതിനുള്ള പദ്ധതികള്‍ മന്ത്രിസഭ അംഗീകരിച്ചിട്ടുണ്ട്. പുതിയ ജിദ്ദ എയര്‍പോര്‍ട്ട് നിര്‍മാണത്തിന്റെ ജോലി മുഴുവനായി പൂര്‍ത്തിയായികൊണ്ടിരിക്കുകയാണ്. ഇവ വൈകാതെ യാത്രക്കാര്‍ക്ക് മുഴുവനായി തുറന്നുകൊണ്ടുക്കും. രാജ്യത്തെ ഏറ്റവും തിരക്കേറിയ വിമാനത്താവളവും ജിദ്ദയാണ്.

ഈ വര്‍ഷം ഇതുവരെ 54,547 സര്‍വീസുകളാണ് ഇവിടെ നടത്തിയത്. വിവിധ കമ്പനികള്‍ സമര്‍പ്പിച്ച ടെന്‍ഡറുകള്‍ പ്രത്യേക കമ്പനി പഠിച്ചാന്‍ സിങ്കപ്പൂര്‍ കമ്പനിക്ക് ജിദ്ദ വിമാനത്താവള നടത്തിപ്പിന് കരാര്‍ നല്‍കുന്നതെന്നും സുലൈമാന്‍ അല്‍ഹംദാന്‍ പറഞ്ഞു. 20 വര്‍ഷത്തേക്കാണ് ഇതിന്റെ കരാര്‍ കലാവധി. സിങ്കപ്പൂര്‍ കമ്പനി നടത്തിപ്പ് ഏറ്റെടുക്കുന്നതോടെ യാത്രക്കാര്‍ക്ക് ലഭിക്കുന്ന സേവനങ്ങളുടെ നിലവാരം ഉയരുമെന്നാണ് പ്രതീക്ഷക്കുന്നത്. സഊദിയിലെ യുവതീയുവാക്കള്‍ക്ക് പുതിയ കമ്പനി തൊഴിലവസരങ്ങള്‍ നല്‍കുമെന്നും അദ്ദേഹം പറഞ്ഞു.