ദമാം: മുസ്‌ലിം സമുദായം ഇന്ത്യന്‍ സ്വാതന്ത്ര്യത്തിന് വേണ്ടി മുന്‍പേ നടന്നവരാണെന്ന് എസ്‌ഐസി അൽഖോബാർ സ്വാതന്ത്ര്യ ദിന സംഗമം അഭിപ്രായപ്പെട്ടു. ഉമർ ഹുദവി പൂളപ്പാടം പ്രമേയ പ്രഭാഷണം നടത്തി. വർത്തമാന കാല ഇന്ത്യന്‍ ഭരണാധികാരികളുടെ ധിക്കാരപരമായ നിലപാടുകളേയും അസഹിഷ്ണുതയേയും നേരിടാന്‍ സമുദായം വിജ്ഞാന വിപ്ലവം സ്വായത്തമാക്കണമെന്നും അദ്ദേഹം കൂട്ടിച്ചേര്‍ത്തു. സയ്യിദ് സൈനുൽ ആബിദ് തങ്ങൾ മൊഗ്റാൽ പ്രാരംഭ പ്രാർത്ഥനക്ക് നേതൃത്വം നൽകി. എസ്‌വൈഎസ് കാസർഗോഡ് ജില്ലാ സെക്രട്ടറി സയ്യിദ് അൽഹാദി മഷ്ഹൂർ തങ്ങൾ മൊഗ്റാൽ പരിപാടി ഉദ്‌ഘാടനം ചെയ്തു.

    പ്രസിഡന്റ് അബ്ദുൽ നാസർ ദാരിമിയുടെ അധ്യക്ഷതയിൽ ചേര്‍ന്ന യോഗത്തില്‍ മുഹമ്മദ് പുതുക്കുടി ദേശീയോദ്ഗ്രഥന ഗാനവും മരക്കാർ കുട്ടി ഹാജി സ്വാതന്ത്ര ദിന സ്മരണാ ഗാനവും ആലപിച്ചു. മുജീബ് ഈരാറ്റുപേട്ട, ഖാളി മുഹമ്മദ് ആശംസയർപ്പിച്ചു.സമാപന പ്രാർത്ഥനാ സദസ്സിന് ഉസ്താദ് ഉമർ ഹുദവി പൂളപ്പാടം നേതൃത്വം നൽകി. ജനറൽ സെക്രട്ടറി മുസ്തഫ പൂക്കാടൻ സ്വാഗതവും ട്രഷറർ ഇക്ബാൽ ആനമങ്ങാട് നന്ദിയും പറഞ്ഞു.