തുറവൂര്‍: ചില്ലറ പൈസയില്ലാത്തത് വിവിധ മേഖലകളിലെ സാധാരണക്കാരെ ദുരിതത്തിലാക്കുന്നു.
കടകളില്‍ നിന്ന് സാധനങ്ങള്‍ വാങ്ങാനെത്തുന്നവരും യാത്രക്കാരുമെല്ലാം ചില്ലറപൈസകള്‍ ലഭിക്കാത്തതുമൂലം വിഷമിക്കുകയാണ്.
കടകളില്‍നിന്ന് സാധനങ്ങള്‍ വാങ്ങുന്ന ഉപഭോക്താക്കള്‍ക്ക് അഞ്ചു രൂപയില്‍ താഴെയുള്ള ബാക്കി തുകയ്ക്ക് മിഠായിയും മറ്റുമാണ് നല്‍കുന്നത്.
ബസുകളില്‍ യാത്ര ചെയ്യുന്നവര്‍ക്ക് ചില്ലറക്ഷാമം ഏറെ നഷ്ടമുണ്ടാക്കുന്നതായാണ് പൊതുവെ ഉയരുന്ന പരാതി.
ചില്ലറ ഇല്ലാത്തതിന്റെ പേരില്‍ യാത്രക്കാരും ബസ് ജീവനക്കാരും തമ്മിലുള്ള  വാക്കുതര്‍ക്കങ്ങളും സംഘര്‍ഷങ്ങളും പതിവ് കാഴ്ചയായിരിക്കയാണ്.