കായംകുളം: കായംകുളത്ത് സി.പി.എം പ്രവര്‍ത്തകനെ കുത്തിക്കൊന്നത് നാലംഗ സംഘമെന്ന് പൊലിസ്. കായംകുളം എം.എസ് എം ഹൈസ്‌കൂളിന് സമീപം വൈദ്യന്‍ വീട്ടില്‍ സിയാദിനെയാണ് (35) കൊലപ്പെടുത്തിയത്. ഇന്നലെ രാത്രി 10.45ഓടെയാണ് സംഭവം. കൊളിളക്കം സൃഷ്ടിച്ച ശര്‍ക്കര വ്യാപാരി കൊലപെടുത്തി പണം കവര്‍ച്ച നടത്തുകയും നിരവധി ക്രിമിനല്‍ കേസ്സിലെ പ്രതിയുമായ വെറ്റു മുജീബ് എന്ന അറിയപ്പെടുന്ന മുജീബാണ് സിയാദിന്റെ കൊന്നതെന്ന് നാട്ടുകാര്‍ പറഞ്ഞു.

കായംകുളം പോലീസ് സ്ഥലത്തെത്തി മൃതദേഹം കായംകുളം ഗവ: താലൂക്ക് ആസ്പത്രി മോര്‍ച്ചറിയിലേക്ക് മാറ്റി. കൊലപാതകത്തെ ചെല്ലി നാട്ടുകാരും പോലീസും തമ്മില്‍ ആശുപത്രിയില്‍ ഏറ്റുമുട്ടിയിരുന്നു. പ്രതിക്ക് വേണ്ടി പോലീസ് തിരച്ചില്‍ ഊര്‍ജിതമാക്കി. ഇന്നലെ രാത്രിയോടെ കാറില്‍ കൊലപാതകത്തിന് എത്തിയ സംഘത്തിലെ ഒരാള്‍ പൊലിസ് കസ്റ്റഡിയില്‍ ആണ്.

ബാക്കിയുള്ളവര്‍ക്ക് വേണ്ടി പൊലിസ് അന്വോഷണം ആരംഭിച്ചതായി ഡി.വൈ.എസ്.പി പറഞ്ഞു. സിയാദിനെ ആശുപത്രിയില്‍ എത്തിച്ച സുഹൃത്തുക്കളില്‍ ഒരാളായ റഹീസിന്റെ വീട് ആക്രമിക്കുകയും തലക്ക് അടിച്ചു പരിക്കേപിക്കുയും ചെയ്തു. സംഭവ സ്ഥലത്ത് വന്‍ പൊലിസ് സംഘം നിലയുറപ്പിച്ചിരിക്കുയാണ്. കൊലപാതകത്തില്‍ പ്രതിഷേധിച്ച് ഇന്ന് രാവിലെ 6 മണി മുതല്‍ വൈകിട്ട് 6 വരെ ഹര്‍ത്താള്‍ ആണ്.