എരുമപ്പെട്ടി: വര്‍ത്തമാനകാല സാഹചര്യത്തില്‍ വിശ്വാസപരമായി സമൂഹത്തെ ഭിന്നിപ്പിക്കുന്നതില്‍ പ്രധാന പങ്ക് വഹിക്കുന്നവര്‍ പാരമ്പര്യത്തെ നിഷേധിക്കുന്നവരാണെന്നും പാരമ്പര്യത്തെ അംഗീകരിക്കുന്നവര്‍ക്കെ ഇന്ത്യന്‍ സാഹചര്യങ്ങളില്‍ പോലും നിലനില്‍പ്പുള്ളൂ എന്നും ഖുര്‍ആന്‍ സ്റ്റഡി സെന്റര്‍ ഡയരക്ടര്‍ റഹ്മതുല്ലാ ഖാസിമി അഭിപ്രായപ്പെട്ടു.
ചിറമനേങ്ങാട് നെല്ലിക്കുന്ന് ഹികമിയ മദ്‌റസാ കമ്മിറ്റിയുടെ ആഭിമുഖ്യത്തില്‍ നടക്കുന്ന മജ്‌ലിസുന്നുര്‍ ഒന്നാം വാര്‍ഷികത്തിന്റെ ആത്മീയ സദസില്‍ മുഖ്യ പ്രഭാഷണം നടത്തുകയായിരുന്നു അദ്ദേഹം.
തലേങ്ങാട്ടിരി മഹല്ല് ഖതീബ് ഹാഫിള് അബ്ദുറഹ്മാന്‍ അന്‍വരി കാട്ടൂര്‍ ഉദ്ഘാടനം ചെയ്തു.
എം.വൈ ഹംസ ഹാജി, കുഞ്ഞു ഹാജി, സിറാജ് ഫൈസി, അന്‍വര്‍ നിസാമി, എം.എച്ച് നൗഷാദ് ജുറൈജ് വാഫി, ഗഫൂര്‍ മാളിയേക്കല്‍ പങ്കെടുത്തു.