ചാത്തന്നൂര്‍: ഊറാംവിള എല്‍.ഐ.സി ഓഫിസിന് സമീപം ലോറി മറിഞ്ഞ് അഞ്ച് പേര്‍ക്ക് പരുക്കേറ്റു. മാര്‍ത്താണ്ഡം സ്വദേശികളായ കുമാര്‍, മണി, സുന്ദര്‍, രാമലിഗം, അന്‍പന്‍ എന്നിവര്‍ക്കാണ് പരുക്കേറ്റത്. ഇന്നലെ പുലര്‍ച്ചെ രണ്ടരയോടെയായിരുന്നു അപകടം.
മാര്‍ത്താണ്ഡത്തുനിന്നും കൊല്ലം ഭാഗത്തേക്ക് ചുടുകട്ടയും കയറ്റി വന്ന ലോറിയുടെ ആക്‌സില്‍ ഒടിഞ്ഞു പുറകിലെ വീല്‍ സെറ്റോടെ ഇളകി മാറി ലോറി ദേശീയപാതക്ക് കുറെകെ മറിയുകയായിരുന്നു.
ചാത്തന്നൂര്‍ അസി. പൊലിസ് കമ്മിഷണര്‍ ജവഹര്‍ ജനാര്‍ദ്ദ്, എസ്.ഐ എ നിസാര്‍ എന്നിവര്‍ ഉടന്‍ സ്ഥലത്തെത്തി പരവൂരില്‍ നിന്നും ഫയര്‍ഫോഴിസിനെ വിളിച്ചു വരുത്തി രക്ഷാപ്രവര്‍ത്തനം നടത്തി.
 കാലിന് ഗുരുതര പരുക്കേറ്റ കുമാര്‍, രാമലിംഗം എന്നിവരെ തിരുവനന്തപുരത്തെ സ്വകാര്യാശുപത്രിയിലും മറ്റുള്ളവരെ കൊട്ടിയത്തെ സ്വകാര്യ ആശുപത്രിയിലും പ്രവേശിപ്പിച്ചു. ഒരു മണിക്കൂറോളം ഗതാഗതം തടസപ്പെട്ടു.

.