ഇസ്‌ലാമാബാദ്: കശ്മിര്‍ വിഷയത്തില്‍ സഊദി ഇന്ത്യക്കെതിരായ നിലപാട് സ്വീകരിക്കാത്തതിനെ പാക് വിദേശകാര്യമന്ത്രി വിമര്‍ശിച്ചതിനെ തുടര്‍ന്ന് വഷളായ ബന്ധം വിളക്കിച്ചേര്‍ത്ത് പ്രധാനമന്ത്രി ഇമ്രാന്‍ഖാന്‍.
സഊദിയുമായുള്ള പാക് ബന്ധത്തില്‍ വിള്ളല്‍ വീണെന്ന അഭ്യൂഹം തെറ്റാണെന്നും ഇരു രാജ്യങ്ങളും തമ്മില്‍ മികച്ച ബന്ധമാണുള്ളതെന്നും അദ്ദേഹം വ്യക്തമാക്കി. കശ്മിര്‍ വിഷയത്തില്‍ സഊദി അംഗമായ ഒ.ഐ.സി ഇന്ത്യക്കെതിരായ നിലപാട് സ്വീകരിക്കാത്തതിനെ പാക് വിദേശകാര്യ മന്ത്രി ഷാ മഹ്മൂദ് ഖുറൈശി രൂക്ഷമായി വിമര്‍ശിച്ചിരുന്നു.
അതോടെ പാകിസ്താനുള്ള എണ്ണ വിതരണവും സാമ്പത്തിക സഹായവും നിര്‍ത്തിവയ്ക്കുകയാണെന്ന് സഊദി അറിയിച്ചു. ഇതേത്തുടര്‍ന്ന് സഊദി കിരീടാവകാശിയെ അനുനയിപ്പിക്കാനായി പാക് സൈനികമേധാവി ഖമര്‍ ബജ്‌വ സഊദി സന്ദര്‍ശിക്കുകയായിരുന്നു. ഈ പശ്ചാത്തലത്തിലാണ് ഇമ്രാന്‍ഖാന്റെ പ്രസ്താവന.