തിരൂരങ്ങാടി: വെളിമുക്ക് പാലിയേറ്റീവ് സെന്റര്‍ മൊണ്ടാഷ് ഓഫ് ലൈഫ് സര്‍ട്ടിഫിക്കറ്റ് വിതരണവും ആലുങ്ങല്‍ ലൈവ് വാട്‌സാപ്പ് കൂട്ടായ്മ ഫണ്ട് കൈമാറ്റവും, വളണ്ടിയര്‍ സംഗമവും തിരൂരങ്ങാടി ബ്ലോക്ക് പഞ്ചായത്ത് പ്രസിഡന്റ് കെ.എ. അബ്ദുല്‍കലാം മാസ്റ്റര്‍ ഉദ്ഘാടനം ചെയ്തു. ആലുങ്ങല്‍ ലൈവ് വാട്‌സ്ആപ് കൂട്ടായ്മയുടെ ഫണ്ട് കൈമാറ്റം തിരൂരങ്ങാടി എ.എസ്.ഐ ഷാഹുല്‍ ഹമീദ് കൈമാറി. മുസ്തഫ എടപ്പറ്റ ക്ലാസെടുത്തു. സി.പി അബ്ദുല്ല അധ്യക്ഷനായി. ഗ്രാമ പഞ്ചായത്തംഗം എം അലി മാസ്റ്റര്‍, റഈസ് വെളിമുക്ക്, കടവത്ത് മൊയ്തീന്‍കുട്ടി, കെ.പി അനസ്, സി.പി യൂനസ്, കെ.പി യൂനസ് സാലിം, വി സുബൈര്‍ സംസാരിച്ചു.