മാറഞ്ചേരി: താമലശ്ശേരി കായലിലാണ് പാടശേഖരത്തുള്ള പുല്ലിന് തീപിടിച്ചത്, തുടര്‍ന്ന് തീ കായലോരത്തുള്ള പറമ്പിലേക്ക് പടരുകയും തെങ്ങ്, വാഴ തുടങ്ങിയവ കത്തിനശിക്കുകയും ചെയ്തു.
കനത്ത വേനലിനെ തുടര്‍ന്ന് തരിശായി കിടക്കുന്ന പാടശേഖരത്തിലെ വന്‍തോതിലുള്ള പുല്ലും ഉണങ്ങി കരിഞ്ഞ അവസ്ഥയിലാണ് . ഏക്കറുകണക്കിന് കൃഷി സ്ഥലം തരിശായി കിടക്കുന്നതാണ് ഇവിടം പുല്ലു വളരാന്‍ കാരണമാകുന്നത്. ഉണങ്ങിയ പുല്ലിന് പാടത്തു കളിക്കാന്‍ വന്ന ആരെങ്കിലും തീകൊളുത്തിയതാകും തീപിടുത്തത്തിന് കാരണം എന്നു കരുതുന്നു. പ്രദേശത്തേക്ക് ഫയര്‍ എന്‍ജിന്‍ വരാനാകാത്തതിനാല്‍ നാട്ടുകാര്‍ പമ്പുസെറ്റുകള്‍ ഉപയോഗിച്ച് തീകെടുത്തി.