ബിജാപൂര്‍: ഛത്തിസ്ഗഡിലെ ബിജാപൂര്‍ ജില്ലയില്‍ ഇന്നലെ സുരക്ഷാ സേനയുമായുണ്ടായ ഏറ്റുമുട്ടലില്‍ രണ്ട് മാവോയിസ്റ്റുകള്‍ കൊല്ലപ്പെട്ടു.
ഇന്നലെ രാവിലെ എട്ടിനാണ് ഏറ്റുമുട്ടലുണ്ടായത്. വനമേഖലയോടുചേര്‍ന്നുള്ള ഗ്രാമത്തില്‍ സുരക്ഷാ സേന നടത്തിയ തിരച്ചിലിനിടയിലായിരുന്നു ഏറ്റുമുട്ടല്‍.
തെലങ്കാനയുമായി അതിര്‍ത്തി പങ്കിടുന്ന ഛത്തിസ്ഗഡിലെ പാമേഡ് വനമേഖലയില്‍ മാവോയിസ്റ്റുകള്‍ ക്യാംപ് ചെയ്യുന്നുണ്ടെന്ന വിവരത്തെ തുടര്‍ന്നാണ് നക്‌സല്‍ വിരുദ്ധ സേന, ഛത്തിസ്ഗഡ്-തെലങ്കാന പൊലിസ് എന്നിവര്‍ സംയുക്തമായി തിരച്ചില്‍ നടത്തിയത്.
ഏറ്റുമുട്ടലിനു ശേഷം രണ്ട് മൃതദേഹങ്ങള്‍ കണ്ടെടുത്തതായി പൊലിസ് അറിയിച്ചു. ഏതാനും ആയുധങ്ങളും കസ്റ്റഡിയിലെടുത്തിട്ടുണ്ട്.