മട്ടന്നൂര്‍: കണ്ണൂര്‍ രാജ്യാന്തര വിമാനത്താവളത്തില്‍ യാത്രക്കാരനില്‍ നിന്ന് സ്വര്‍ണം പിടികൂടി. ഷാര്‍ജയില്‍ നിന്ന് രാവിലെ 8.15ന് എത്തിയ എയര്‍ഇന്ത്യാ എക്‌സ്പ്രസ് വിമാനത്തിലെ യാത്രക്കാരനില്‍ നിന്നാണ് 817 ഗ്രാം സ്വര്‍ണം പിടികൂടിയത്.
കാസര്‍കോട് സ്വദേശിയായ ഇയാളില്‍ നിന്ന് മൂന്ന് മാലകളാണ് പിടികൂടിയത്. സംശയം തോന്നിയതിനെ തുടര്‍ന്ന് കസ്റ്റംസ് ഉദ്യോഗസ്ഥര്‍ യുവാവിനെ പരിശോധിച്ചപ്പോഴാണ് അടിവസ്ത്രത്തിനുള്ളില്‍ ഒളിപ്പിച്ച നിലയില്‍ മാലകള്‍ കണ്ടെത്തിയത്.
യുവാവിനെ കസ്റ്റംസ് ചോദ്യം ചെയ്തുവരികയാണ്. കഴിഞ്ഞ ദിവസം മസ്‌കത്തില്‍ നിന്നെത്തിയ യുവാവില്‍ നിന്ന് 2.800 ഗ്രാം സ്വര്‍ണംപിടികൂടിയിരുന്നു.