തളിപ്പറമ്പ്: അഞ്ച് ദിവസങ്ങളിലായി നടന്നു വരുന്ന പെരുവണ കൊടപ്പന്‍ചാല്‍ മഖാം ഉറൂസ് നാളെ സമാപിക്കും. രാത്രി 7.30ന് ശംസുല്‍ ഉലമാ സ്മാരക ഷോപ്പിങ് കോംപ്ലക്‌സ് ഉദ്ഘാടനം പാണക്കാട് സാബിഖലി ശിഹാബ് തങ്ങള്‍ നിര്‍വഹിക്കും. മാണിയൂര്‍ അഹ്മദ് മുസ്‌ലിയാരുടെ നേതൃത്വത്തില്‍ ഉദ്‌ബോധനവും കൂട്ടുപ്രാര്‍ഥനയും നടക്കും. സി.കെ മുഹമ്മദ് മുസ്‌ലിയാര്‍ അധ്യക്ഷനാകും. കെ.സി അബ്ദുല്‍ ഷുക്കൂര്‍ ഫൈസി മുഖ്യപ്രഭാഷണം നടത്തും. തുടര്‍ന്ന് ആയിരങ്ങള്‍ പങ്കെടുക്കുന്ന അന്നദാനത്തോടെ ഉറൂസ് സമാപിക്കും. ഇന്ന് രാത്രി സ്വാലിഹ് അന്‍വരി ചേകന്നൂരിന്റെ പ്രഭാഷണവും അത്വയ്ബ ബുര്‍ദ സംഘത്തിന്റെ നേതൃത്വത്തില്‍          ബുര്‍ദ മജ്‌ലിസും നടക്കും.