ദമസ്‌കസ്: സിറയയിലെ അഭയാര്‍ഥി ക്യംപില്‍ ഐ.എസ് നടത്തിയ അപ്രതീക്ഷിത ആക്രമണത്തില്‍ 30 ഓളം പേര്‍ കൊല്ലപ്പെട്ടു.
വടക്കു കിഴക്കന്‍ സിറിയയിലെ അഭയാര്‍ഥികള്‍ തിങ്ങിത്താമസിക്കുന്ന ക്യാംപില്‍ ഇന്നലെ രാവിലെയാണ് ഐ.എസിന്റെ ആക്രമണം ഉണ്ടായത്.
കൊല്ലപ്പെട്ടവരില്‍ ഭൂരിഭാഗവും സിവിലയന്മാരാണ് സിറിയന്‍ സന്ധദ്ധ സംഘടന അറിയിച്ചു. സിറിയയുടെയും ഇറാഖിന്റെയും അക്രമ ബാധിതമായ വ്യത്യസ്ത പ്രദേശങ്ങളില്‍ നിന്ന് കൂടിയേറിപ്പാര്‍ത്തവര്‍ താമസിക്കുന്ന ക്യംപിന് നേരെയാണ് ആക്രമണമുണ്ടായത്.
കുര്‍ദിഷ് വിമതരുടെ കൈവശമുള്ള ഹാസ്‌ക പ്രവിശ്യയുടെ സമീപപ്രദേശമായ രജ്മ സലൈബിയിലാണ് ആക്രമണമുണ്ടായത്. തീവ്രവാദികള്‍, അഭയാര്‍ഥികള്‍ താമസിക്കുന്ന പ്രദേശത്തേക്ക് നുഴഞ്ഞു കയറിയാണ് അക്രമണം നടത്തിയത്.