ന്യൂഡല്‍ഹി: ഡല്‍ഹിയിലെ ബി.ജെ.പി നേതാവും ലോക്‌സഭാംഗവുമായ മനോജ് തിവാരിയുടെ വീട് ആക്രമിച്ച് കവര്‍ച്ച നടത്തിയ കേസില്‍ ഡല്‍ഹി പൊലിസ് അസി. സബ് ഇന്‍സ്‌പെക്ടര്‍ക്ക് സസ്‌പെന്‍ഷന്‍. അന്വേഷണം പൂര്‍ത്തിയാവുന്നത് വരെയാണ് സസ്‌പെന്‍ഷന്‍.

ചൊവ്വാഴ്ച രാവിലെ അഞ്ചു പേര്‍ കൂടി കേസില്‍ അറസ്റ്റിലായി. ഇതോടെ അറസ്റ്റിലായവരുടെ എണ്ണം ഏഴായി.

രണ്ടു ദിവസം മുമ്പാണ് സംഭവമുണ്ടായത്. ഇതിന്റെ സിസിടിവി ദൃശ്യങ്ങള്‍ പുറത്തുവന്നിരുന്നു. എട്ടോ പത്തോ ആളുകള്‍ ഉള്‍പ്പെടുന്ന സംഘമാണ് തന്റെ വീട് വീട് ആക്രമിച്ചതെന്ന് മനോജ് തിവാരി പറഞ്ഞു.

സംഭവത്തിന് പിന്നില്‍ ഗൂഢാലോചനയു
ണ്ടെന്ന് തിവാരി ആരോപിച്ചു. നോര്‍ത്ത്ഈസ്റ്റ് ഡല്‍ഹിയില്‍ നിന്നുള്ള എംപിയാണ് മനോജ് തിവാരി.