ന്യൂഡല്‍ഹി: സെന്‍കുമാര്‍ കേസില്‍ ഉത്തരവില്‍ വ്യക്തത തേടി സര്‍ക്കാര്‍ സുപ്രിംകോടതിയില്‍. കേസില്‍ സര്‍ക്കാര്‍ സുപ്രിംകോടതിയില്‍ പുന:പരിശോധനാ ഹരജി നല്‍കി. വിധിയില്‍ ഭേദഗതിയും വ്യക്തതയും വേണമെന്നാണ് സര്‍ക്കാരിന്റെ ആവശ്യം.

സെന്‍കുമാര്‍ പൊലിസ് മേധാവി അല്ലായിരുന്നു. പൊലിസ് സേനയുടെ ചുമതലയുള്ള ഡിജിപി ആയിരുന്നു.എന്നാല്‍ ലോക്‌നാഥ് ബെഹ്‌റയെ നിയമിച്ചത് പൊലിസ് മേധാവിയായിട്ടായിരുന്നുവെന്നും ഹരജിയില്‍ ചൂണ്ടിക്കാണിക്കുന്നുണ്ട്.

ഉത്തരവ് നടപ്പാക്കാൻ വൈകിപ്പിക്കുന്നുവെന്ന് ആരോപിച്ച് സെൻകുമാർ സമർപ്പിച്ച ഹരജി സുപ്രിം കോടതി വെള്ളിയാഴ്ച്ച പരിഗണിക്കാനിരിക്കുകയാണ്.