വണ്ടൂര്‍: മഴക്കൊപ്പമെത്തിയ കാറ്റില്‍ കൂറ്റന്‍ തെങ്ങ് വീടിനു മുകളില്‍ വീണ് രണ്ടുപേര്‍ക്ക് പരുക്കേറ്റു. പോരൂര്‍ പൂത്രക്കോവ് പള്ളിക്കുന്ന് ഓലേടത്ത് മോഹനകൃഷ്ണന്‍ എന്ന അപ്പുവിന്റെ വീടിനു മുകളിലാണ് തെങ്ങ് പൊട്ടിവീണത്. വീട്ടമ്മ സുമിത(37), മകള്‍ കാവ്യ(17)എന്നിവര്‍ക്കാണ് പരുക്കേറ്റത്. ഇരുവരും വീടിന്റെ മുന്‍വശത്ത് ഇരിക്കുന്നതിനിടെയായിരുന്നു അപകടം. തലക്ക് പരുക്കേറ്റ രണ്ടുപേരെയും വണ്ടൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.