മലപ്പുറം: സി-സോണ്‍ കലോത്സവത്തില്‍ ഒന്നും രണ്ടും സ്ഥാനം നേടിയവര്‍ ഇന്റര്‍സോണ്‍ കലോത്സവത്തില്‍ ജില്ലയെ പ്രതിനിധീകരിക്കും. മെയ് എട്ടുമുതല്‍ 12 വരെ കോഴിക്കോട് മലബാര്‍ ക്രിസ്ത്യന്‍ കോളജിലാണ് ഇന്റര്‍സോണ്‍ കലോത്സവം. ഏപ്രില്‍ 28 മുതല്‍ മെയ് രണ്ടുവരെ നടത്താനിരുന്ന ഇന്റര്‍സോണ്‍ മത്സരം മെയ് എട്ടിലേക്കു മാറ്റുകയായിരുന്നു. ലക്ഷദ്വീപടക്കം ആറു സോണലുകളില്‍നിന്നായി നാലായിരത്തോളം വിദ്യാര്‍ഥികളാണ് ഇന്റര്‍സോണ്‍ കലോത്സവത്തില്‍ മാറ്റുരയ്ക്കുക.