മലപ്പുറം: വിദ്യാര്‍ഥികള്‍ക്കും കാലാകരന്മാര്‍ക്കുമെതിരേയുള്ള ഫാസിസ്റ്റ് നീക്കങ്ങള്‍ക്കെതിരേ പ്രതിഷേധമായി സി-സോണ്‍ വേദി. കലോത്സവത്തിന്റെ സമാപന ചടങ്ങില്‍ മത്സരാര്‍ഥികള്‍, രക്ഷിതാക്കള്‍, അധ്യാപകര്‍, സംഘാടകര്‍ എന്നിവര്‍ ചേര്‍ന്ന് ഫാസിസ്റ്റ് വിരുദ്ധ പ്രതിജ്ഞയെടുത്തു.
കലോത്സവ വേദികള്‍ക്കു ഫാസിസ്റ്റ് ഇരകളായ രോഹിത് വെമുല, എം.എം കല്‍ബുര്‍ഗി, മുഹമ്മദ് അഖ്‌ലാഖ്, നജീബ് അഹമ്മദ് എന്നിവരുടെ പേരുകള്‍ നല്‍കിയതിനെ വിശിഷ്ടാതിഥികളും വിധികര്‍ത്താക്കളും അഭിനന്ദിച്ചിരുന്നു. ഫാസിസ്റ്റ് വിരുദ്ധ ആശയങ്ങള്‍ പ്രമേയമാക്കിയ നാടകങ്ങളാണ് വിവിധ കോളജുകളില്‍നിന്നുള്ള ടീമുകള്‍ അവതരിപ്പിച്ചത്.