മലപ്പുറം: കാലിക്കറ്റ് യൂനിവേഴ്‌സിറ്റി സി-സോണ്‍ കലോത്സവത്തിന്റെ അവസാന ദിവസമായ ഇന്നലെ മുഖ്യവേദിയില്‍ നിറഞ്ഞുനിന്നതു മാപ്പിള കലകള്‍. അറബനമുട്ട് മത്സരത്തോടെ തുടങ്ങിയ ഒന്നാംവേദിയില്‍ ജനപ്രിയ ഇനങ്ങളായ ദഫ്മുട്ട്, കോല്‍ക്കളി, ഒപ്പന, ഗാനമേള മത്സരങ്ങളും അരങ്ങേറി. അറബന മത്സരത്തില്‍ അസ്സബാഹ് കോളജ് വളയംകുളമാണ് ഒന്നാംസ്ഥാനം നേടിയത്. പി.എം.എസ്.ടി കോളജ് രണ്ടാമതെത്തി.
ദേശഭക്തിഗാനം, കഥകളി സംഗീതം, ക്ലാസിക്കല്‍ സംഗീതം മത്സരങ്ങള്‍ രണ്ടാം വേദിയില്‍ അരങ്ങേറിയപ്പോള്‍ പരിചമുട്ട്, മാര്‍ഗംകളി, പൂരംകളി, ക്ലാസിക്കല്‍ ഡാന്‍സ്, തിരുവാതിര മത്സരങ്ങളാണ് മൂന്നാംവേദിയില്‍ അരങ്ങേറിയത്. ചെണ്ട, ഇടക്ക, മദ്ദളം, തബല, പക്കവാദ്യം, ചെണ്ടമേളം, തായമ്പക, മൃദഗം, വയലിന്‍, പുല്ലാങ്കുഴല്‍ ബാംസുരി മത്സരങ്ങളാണ് നാലാം വേദിയില്‍ നടന്നത്.