പള്ളുരുത്തി:നിരവധി ക്രിമിനല്‍ കേസുകളില്‍ പ്രതിയും ഗുണ്ടാ ആക്ട് പ്രകാരം നാട് കടത്തപ്പെടുകയും ചെയ്തിട്ടുള്ള കുമ്പളങ്ങി പടിക്കല്‍ വീട്ടില്‍ ലാസര്‍ എന്ന് വിളിക്കുന്ന ആന്റെണി(32)യെ പള്ളുരുത്തി സര്‍ക്കിള്‍ ഇന്‍സ്‌പെക്ടര്‍ കെ.ജി.അനീഷ്,എസ്.ഐ.വി.വിമല്‍ എന്നിവരുടെ നേതൃത്വത്തില്‍ അറസ്റ്റ് ചെയ്തു.കാപ്പ പ്രകാരം കൊച്ചി സിറ്റിയില്‍ പ്രവേശിക്കുന്നത് വിലക്കിയിട്ടുള്ള ഇയാളെ ഇന്നലെ കുമ്പളങ്ങിയില്‍ നിന്നാണ് അറസ്റ്റ് ചെയ്തത്.കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.