കൊച്ചി: ഏലൂര്‍ കളമശ്ശേരി എടയാര്‍ മേഖലയിലെ ട്രെയ്ഡ് യൂണിയന്‍ (ഐ.എന്‍.ടി.യു.സി)നേതാവായ ബി. ശശിധരന്റെ പൊതുപ്രവര്‍ത്തന സുവര്‍ണ്ണ ജൂബിലി ആഘോഷം നാല്, ആറ് തിയതികളില്‍ ഫാക്ട് ഉദ്യോഗമണ്ഡല്‍ ക്ലബ് ഓഡിറ്റോറിയത്തില്‍ നടക്കും. രാവിലെ ഒമ്പത് മണിക്ക് നടക്കുന്ന തൊഴിലാളി സെമിനാര്‍ എ.ഐ.സി.സി വക്താവ് പി.സി ചാക്കോ ഉദ്ഘാടനം ചെയ്യും. ആറിന് ഏലൂര്‍ പാതാളം കവലയില്‍ വൈകിട്ട് 4.30 ന് നടക്കുന്ന പൊതുസമ്മേളനം മുന്‍ മുഖ്യമന്ത്രി ഉമ്മന്‍ചാണ്ടി ഉദ്ഘാടനം ചെയ്യും. യു.ഡി.എഫ് കണ്‍വീനര്‍ പി.പി തങ്കച്ചന്‍ ശശിധരനെ ആദരിക്കും. ചടങ്ങില്‍ പ്രൊഫ.കെ.വി തോമസ് എംപി മുഖ്യതിഥിയായിരിക്കും. വാര്‍ത്താ സമ്മേളനത്തില്‍ വര്‍ക്കിംഗ് പ്രസിഡന്റ് കെ.എം അമാനുള്ള, ജന. കണ്‍വീനര്‍ ടി.കെ കുട്ടി, ജോ.കണ്‍വീനര്‍ കെ.ഐ ഷാജഹാന്‍ എന്നിവര്‍ പങ്കെടുത്തു.