ആലപ്പുഴ : ഗസറ്റഡ് ഓഫിസേഴ്‌സ് സംഘ് സംസ്ഥാന സമ്മേളനം ആറ്,ഏഴ് തിയതികളില്‍ ആലപ്പുഴയില്‍ നടക്കും. പുളിമൂട് റെസിഡന്‍സി ഓഡിറ്റോറിയത്തില്‍ ഉച്ചയ്ക്ക് രണ്ടിന് സംസ്ഥാന ഭാരവാഹികളുടെ സമ്മേളനം നടക്കും. ബി. എം.എസ് സംസ്ഥാന വൈസ് പ്രസിഡന്റ് ശിവജി സുദര്‍ശനന്‍ ഉദ്ഘാടനം ചെയ്യും. ഏഴിന് നടക്കുന്ന പ്രതിനിധി സമ്മേളനം കേന്ദ്ര നിയമ വകുപ്പ് സഹമന്ത്രി പി.പി ചൗധരി ഉദ്ഘാടനം ചെയ്യും. കമലാസന്‍ കാര്യാട്ട് അധ്യക്ഷത വഹിക്കും. ഒ. രാജഗോപാല്‍ എം.എല്‍.എ മുഖ്യപ്രഭാഷണം നടത്തും. ബി.ജെ.പി സംസ്ഥാന പ്രസിഡന്റ് കുമ്മനം രാജശേഖരന്‍, എ.പി ഭാര്‍ഗവന്‍, പി. സുനില്‍ കുമാര്‍, എസ്.കെ ജയകുമാര്‍, പി.എസ് ഗോപകുമാര്‍, പി. പ്രഭാകരന്‍ നായര്‍, ടി.എ അജയകുമാര്‍, പി.കെ സാബു, സജീവ് തങ്കപ്പന്‍, എം.ആര്‍ പ്രസാദ് എന്നിവര്‍ പ്രസംഗിക്കും. സാംസ്‌ക്കാരിക സമ്മേളനം ആര്‍.എസ്.എസ് നേതാവ് വല്‍സന്‍ തില്ലങ്കേരി ഉദ്ഘാടനം ചെയ്യും. വാര്‍ത്താസമ്മേളനത്തില്‍ കമലാസനന്‍ കാര്യാട്ട്, എം.ആര്‍ പ്രസാദ്, ലക്ഷ്മി കാന്ത് വി തുടങ്ങിയവര്‍ പങ്കെടുത്തു.