തുറവൂര്‍: കുത്തിയതോട് പഞ്ചായത്തിലെ പറയകാട്, നാലുകുളങ്ങര, തഴുപ്പ് എന്നി പ്രദേശങ്ങളില്‍ രാത്രി കാലങ്ങളില്‍ വൈദ്യുതി മുടക്കം പതിവാകുന്നു.
ചൂട് കാലാവസ്ഥയായതിനാല്‍ ഫാന്‍ പ്രവര്‍ത്തിപ്പിക്കാന്‍ കഴിയാത്തതിനാല്‍ കുട്ടികളും പ്രായമുള്ളവരും ഉള്‍പ്പെടെയുള്ളവര്‍ നന്നേ ബുദ്ധിമുട്ടുകയാണ്.
ജനങ്ങളുടെ ബുദ്ധിമുട്ടുകള്‍ പരിഹരിക്കുന്നതിനു രാത്രി കാലങ്ങളിലെ അപ്രഖ്യാപിത വൈദ്യുതി മുടക്കം ഒഴിവാക്കാന്‍ കുത്തിയതോട് ഇലക്ട്രിസിറ്റി സെക്ഷന്‍ അധികൃതര്‍ ശ്രദ്ധിക്കണമെന്ന് നാട്ടുകാര്‍ ആവശ്യപ്പെട്ടു.