തൊടുപുഴ: എം.എസ്.എഫ് സംസ്ഥാന കമ്മിറ്റിയുടെ പ്രവര്‍ത്തന ഫണ്ട് ശേഖരണം വന്‍ വിജയമാക്കുവാന്‍ ഇടുക്കി ജില്ലാ പ്രതിനിധി സംഗമം തീരുമാനിച്ചു. തൊടുപുഴ ലബ്ബാ സാഹിബ് ഓഡിറ്റോറിയത്തില്‍ ചേര്‍ന്ന യോഗത്തില്‍ പ്രസിഡന്റ് കെ.എം അന്‍വര്‍ അധ്യക്ഷത വഹിച്ചു. എം.എസ്.എഫ് സംസ്ഥാന സെക്രട്ടറി സല്‍മാന്‍ ഹനീഫ് യോഗം ഉദ്ഘാടനം ചെയ്തു. ജില്ലാ നിരീക്ഷകനും സംസ്ഥാന ഹയര്‍ സെക്കണ്ടറി വിംഗ് കണ്‍വീനറുമായ കെ.സി. മുഹമ്മദ് കുട്ടി മുഖ്യ പ്രഭാഷണം നടത്തി.
ജില്ലാ ഭാരവാഹികളായ മുഹമ്മദ് ഷഹന്‍ഷാ, റിയാസ് പുതിയ കുന്നേല്‍, അബിന്‍ റഷീദ്, അജ്മല്‍ ഇല്ലിക്കന്‍, സഹല്‍ മുഹമ്മദ്, നിയോജക മണ്ഡലം ഭാരവാഹികളായ അജ്മല്‍ സലീം, അസ്ഹര്‍ മുഹമ്മദ്, ആഷിക് അബ്ദുല്‍ കരീം, സല്‍മാന്‍ എസ്.എ, അഫ്‌സല്‍ എം.യു എന്നിവര്‍ സംസാരിച്ചു. ഈ മാസം 10 മുതല്‍ 20 വരെ ജില്ലയില്‍ ഫണ്ട് ശേഖരണം നടത്തും.
10 ന് അടിമാലിയില്‍ ജില്ലാ തല ഉദ്ഘാടനം സംഘടിപ്പിക്കും. ശാഖാ തലങ്ങളില്‍ നടന്നുവരുന്ന യൂണിറ്റ് ഫെസ്റ്റ് വിപുലമായി സംഘടിപ്പിക്കുവാനും യോഗം തീരുമാനിച്ചു.