മികച്ച മുദര്‍രിസിനുള്ള ശിഹാബ് തങ്ങള്‍ അവാര്‍ഡ് വാക്കോട് മൊയ്തീന്‍കുട്ടി ഫൈസിക്ക്

backup

May 05 2017 | 05:05 AM

%e0%b4%ae%e0%b4%bf%e0%b4%95%e0%b4%9a%e0%b5%8d%e0%b4%9a-%e0%b4%ae%e0%b5%81%e0%b4%a6%e0%b4%b0%e0%b5%8d%e2%80%8d%e0%b4%b0%e0%b4%bf%e0%b4%b8%e0%b4%bf%e0%b4%a8%e0%b5%81%e0%b4%b3%e0%b5%8d%e0%b4%b3-%e0%b4%b6

മലപ്പുറം: ഈ വര്‍ഷത്തെ മികച്ച മുദര്‍രിസിനുള്ള സയ്യിദ് മുഹമ്മദലി ശിഹാബ് തങ്ങള്‍ സ്മാരക അവാര്‍ഡ് സമസ്ത കേന്ദ്ര മുശാവറ അംഗവും എസ്.വൈ.എസ് സംസ്ഥാന സെക്രട്ടറിയുമായ വാക്കോട് മൊയ്തീന്‍കുട്ടി ഫൈസിക്ക്. മുദര്‍രിസ് സേവനരംഗത്ത് 45 വര്‍ഷം പിന്നിട്ട വാക്കോട് മൊയ്തീന്‍കുട്ടി ഫൈസി, ഗൂഡല്ലൂര്‍ ദേവാല, ഏപ്പിക്കാട്, കരുവാരക്കുണ്ട്, പണത്തുമ്മല്‍, വാണിയമ്പലം, തുവ്വൂര്‍, കരിയങ്ങാട്, മാമ്പുഴ, ആമക്കാട്, ഏലംകുളം എന്നിവിടങ്ങിളില്‍ സേവനമനുഷ്ഠിച്ചിട്ടുണ്ട്.
നിലവില്‍ ഏലംകുളം മഹല്ല് ജുമാ മസ്ജിദില്‍ മുദര്‍രിസാണ്. ശംസുല്‍ ഉലമാ ഇ.കെ അബൂബക്കര്‍ മുസ്‌ലിയാര്‍, കോട്ടുമല അബൂബക്കര്‍ മുസ്‌ലിയാര്‍ എന്നിവര്‍ പ്രധാന കോളജ് അധ്യാപകരും കെ.ടി മാനു മുസ്‌ലിയാര്‍, അമാനത്ത് കോയഞ്ഞി മുസ്‌ലിയാര്‍, കെ.സി ജാമാലുദ്ദീന്‍ മുസ്‌ലിയാര്‍ എന്നിവര്‍ പ്രധാന ദര്‍സീ അധ്യാപകരുമാണ്. നിലവില്‍ ജംഇയ്യത്തുല്‍ മുദര്‍രിസീന്‍ സംസ്ഥാന വര്‍ക്കിങ് സെക്രട്ടറി, അല്‍ മുഅല്ലിം എഡിറ്റര്‍, സുന്നി അഫ്കാര്‍ സബ് എഡിറ്റര്‍ എന്നീ സ്ഥാനങ്ങള്‍ വഹിക്കുന്നു. 1973ല്‍ പട്ടിക്കാട് ജാമിഅഃ നൂരിയ്യയില്‍നിന്നു ഫൈസി ബിരുദം നേടിയ വാക്കോട് മൊയ്തീന്‍കുട്ടി ഫൈസി, മണ്ടാല അബൂബക്കര്‍-ചക്കാലകുന്നന്‍ ഫാത്വിമ എന്നിവരുടെ മകനാണ്.
സുന്നി യുവജന സംഘം ജില്ലാ കമ്മിറ്റി ശിഹാബ് തങ്ങളുടെ ഉറൂസ് വേളയില്‍ നല്‍കിവരാറുള്ള അവാര്‍ഡിന് മുന്‍ വര്‍ഷങ്ങളില്‍ പി.പി മുഹമ്മദ് ഫൈസി, എ. മരക്കാര്‍ ഫൈസി, മാമ്പുഴ സൈതാലി മുസ്‌ലിയാര്‍, കാടേരി മുഹമ്മദ് മുസ്‌ലിയാര്‍, കോറാട് സൈതാലിക്കുട്ടി ഫൈസി, കെ.പി.എം അലി ഫൈസി, അരിപ്ര അബ്ദുര്‍റഹ്മാന്‍ ഫൈസി എന്നിവരായിരുന്നു അര്‍ഹരായത്. ഈ വര്‍ഷത്തെ അവാര്‍ഡ് നാളെ പാണക്കാട്ടു നടക്കുന്ന ശിഹാബ് തങ്ങള്‍ ഉറൂസ് സദസില്‍ സമസ്ത ഉപാധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ സമ്മാനിക്കും.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."