മംഗളൂരു: വിദേശ കറന്‍സിയുമായി കാസര്‍കോട് സ്വദേശി മംഗളൂരു അന്താരാഷ്ട്ര വിമാനത്താവളത്തില്‍ അറസ്റ്റില്‍. കാസര്‍കോട് തളങ്കര നുസ്രത്ത് റോഡിലെ അഷ്‌റഫ് മൊയ്തീന്‍ (35) ആണ് കസ്റ്റംസിന്റെ പിടിയിലായത്.

ദുബൈയിലേയ്ക്കുള്ള സ്‌പൈസ് ജെറ്റിലെ യാത്രക്കാരനായിരുന്ന ഇയാളുടെ ബാഗില്‍ നിന്നാണ് 10,80,264 രൂപ മൂല്യമുള്ള വിദേശ കറന്‍സികള്‍ പിടികൂടിയത്.

4100 ഡോളര്‍, 1600 കുവൈത്ത് ദിനാര്‍ 1,00,000 സൗദി റിയാല്‍, 6000 യു.എ.ഇ. ദിര്‍ഹം എന്നിവയാണ് പിടികൂടിയത്. ബാഗിന്റെ അടിഭാഗത്ത് ഒളിപ്പിച്ച നിലയിലായിരുന്നു കറന്‍സികള്‍.