തിരുവനന്തപുരം: സമസ്തകേരളാ ഇസ്‌ലാംമത വിദ്യാഭ്യാസ ബോര്‍ഡ് മദ്‌റസകളിലെ അഞ്ച്, ഏഴ്, പത്ത്, പ്ലസ്ടു ക്‌ളാസുകളില്‍ പഠിക്കുന്ന വിദ്യാര്‍ഥികളുടെ പൊതുപരീക്ഷ ഇന്ന് ആരംഭിക്കും.
തിരുവനന്തപുരം,കന്യാകുമാരി ജില്ലകളില്‍ 96 സെന്ററുകളിലായി 5-ാം ക്ലാസില്‍ 1487 കുട്ടികളും 7-ാം ക്ലാസില്‍ 798 കുട്ടികളും,10-ാം ക്ലാസില്‍ 148 കുട്ടികളും,പ്ലസ് ടു ക്ലാസില്‍ 34 കുട്ടികളുമുള്‍പ്പെടെ  2467 കുട്ടികളാണ് ഈ വര്‍ഷത്തെ പൊതു പരീക്ഷയില്‍ ജില്ലയില്‍ പങ്കെടുക്കുന്നത്. സൂപ്രണ്ടുമാരായ ചുള്ളിമാനൂര്‍ അഹ്മദ് റശാദി, മുഹമ്മദ് യഹിയാ നിസാമി എന്നിവര്‍ തിരുവനന്തപുരം,കന്യാകുമാരി ജില്ലകളില്‍ പരീക്ഷ നിയന്ത്രിക്കും.
കൊല്ലം ജില്ലയില്‍ 100 സെന്ററുകളിലായി അഞ്ചാം ക്ലാസില്‍ 1320 കുട്ടികളും ഏഴാം ക്ലാസില്‍ 658 കുട്ടികളും പത്താം ക്ലാസില്‍ 50 കുട്ടികളും പ്ലസ്ടുവിന് 7 കുട്ടികളുമാണ് പരീക്ഷിക്കിരിക്കുന്നത്. ആകെ 2035 വിദ്യാര്‍ഥികളാണ് ഈ വര്‍ഷത്തെ പൊതുപരീക്ഷയില്‍ കൊല്ലത്ത്  പങ്കെടുക്കുന്നത്.