മുംബൈ: യോഗാഗുരു ബാബാ രാംദേവിന്റെ പതഞ്ജലി കമ്പനിക്കായി ചുളുവിലക്ക് ഏക്കറുകള്‍ നല്‍കിയ സംഭവത്തില്‍ മഹാരാഷ്ട്രാ സര്‍ക്കാരിന് ബോംബെ ഹൈക്കോടതിയുടെ നോട്ടിസ്. നാഗ്പൂരില്‍ നൂറുകണക്കിന് ഏക്കര്‍ ഭൂമിയാണ് കമ്പനിക്കായി സര്‍ക്കാര്‍ പതിച്ചുനല്‍കിയത്.
ആരോപണം ശരിയാണെങ്കില്‍ എന്തുകൊണ്ട് കമ്പനിക്ക് ഇളവ് അനുവദിച്ചതെന്ന് വ്യക്തമാക്കണമെന്ന് ഹൈക്കോടതി സര്‍ക്കാരിനോട് ആവശ്യപ്പെട്ടു. മുംബൈ കോണ്‍ഗ്രസ് അധ്യക്ഷന്‍ സഞ്ജയ് നിരുപം ആണ് ബോംബെ ഹൈക്കോടതിയില്‍ പരാതി സമര്‍പ്പിച്ചത്. വന്‍ വിലയുള്ള നൂറിലേറെ ഏക്കര്‍ ഭൂമി 25 ലക്ഷത്തിന് പതഞ്ജലിക്ക് ഫുഡ് പാര്‍ക്ക് തുടങ്ങാനായി നല്‍കിയെന്നാണ് ആരോപണം. ഭൂമി കര്‍ഷകരില്‍നിന്നു വാങ്ങി കമ്പനിക്ക് പതിച്ചുനല്‍കുകയായിരുന്നുവെന്ന് പരാതിക്കാരന്‍ ആരോപിച്ചു.