സുല്‍ത്താന്‍ ബത്തേരി: കേരള സ്‌റ്റേറ്റ് ഹയര്‍ ഗുഡ്‌സ് ഓണേഴ്‌സ് അസോസിയേഷന്‍ ജില്ലാ സമ്മേളനം 22, 23 തീയതികളില്‍ മീനങ്ങാടി 54 ചോള ഓഡിറ്റോറിയത്തില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
പ്രതിനിധി സമ്മേളനം, കുടുംബ സംഗമം, പൊതുസമ്മേളനം, വിവിധ കലാപരിപാടികള്‍ എന്നിവ ഉണ്ടാകും. സമ്മേളന നഗരിയില്‍ വിവിധ കമ്പനികളുടെ ജനറേറ്റര്‍, ഡെക്കറേഷന്‍ സാധനങ്ങള്‍, കസേര, മേശ, പാത്രങ്ങള്‍ എന്നിവയുടെ സ്റ്റാളുകള്‍ ഉണ്ടാകും. 22ന് രാവിലെ ജില്ലാ പ്രസിഡന്റ് എന്‍.എം ജോര്‍ജ് പതാക ഉയര്‍ത്തുന്നതോടെ സമ്മേളനത്തിന് തുടക്കമാകും. സ്റ്റാളിന്റെ ഉദ്ഘാടനം സംസ്ഥാന ജനറല്‍ സെക്രട്ടറി ഷംസുദ്ദീന്‍ നിര്‍വഹിക്കും. തുടര്‍ന്ന് നടക്കുന്ന പ്രതിനിധി സമ്മേളനം സംസ്ഥാന പ്രസിഡന്റ് എ.പി അഹമ്മദ്‌കോയ ഉദ്ഘാടനം ചെയ്യും. പുതിയ ഭാരവാഹികളുടെ തെരഞ്ഞെടുപ്പും നടക്കും. 23ന് രാവിലെ പത്തിന് നടക്കുന്ന പൊതുസമ്മേളനം ഐ.സി. ബാലകൃഷ്ണന്‍ എം.എല്‍.എ ഉദ്ഘാടനം ചെയ്യും. ധനസഹായ വിതരണം സി.കെ ശശീന്ദ്രന്‍ എം.എല്‍.എ നിര്‍വഹിക്കും.